Fyrsti dómur í Føroyum um tráfylging

Fyri fyrstu ferð er dómur sagdur í Føroyum um stalking, tráfylging.

Lógarásetingin kom í mai í ár.

Ein 59 ára gamal maður er dømdur fyri tráfylging.

Hann fekk viðgerðardóm uttan tíðaráseting, tí hann er ikki mettur at vera egnaður at vera í fongsli.

Maðurin var annars skuldsettur fyri sálarligan harðskap, men hann var ákærdur fyri tráfylging.

Eisini dømdur fyri hóttanir

Hann er eisini dømdur fyri sjey hóttanir eftir lívinum og fyri fýra ferðir at hava brotið tilhald.

Maðurin noktar seg sekan.

Hann tók ikki við dóminum, men bað um tíð at umhugsa, um hann skal fara í Landsrættin við málinum. 

Maðurin var tikin fyrst í juli og hevur verið í varðhaldi síðani.