Kapping um list til nýggja kampusbygningin á Setrinum

Listafólk vera nú boðin til at kappast um list til nýggja kampusbygningin hjá Fróðskaparsetrinum á Frælsinum í Havn.

Listanevndin fyri felagsbygningin hjá Setrinum bjóðar til kappingina.

4,5 mió. kr. eru til listprýðisverkætlanina.

Freistin at koma við uppskotum er 29. oktober.

Vinnarar vera kunngjørdir 22. januar næsta ár.

Í listanevndini eru Dagmar Malena Winther, listfrøðingur á Listasavninum, Bárður Dal Christiansen, arkitektur, og listafólk umboða Føroysk myndlistafólk, Ósbjørn Jacobsen, arkitektur og stjóri hjá Henning Larsen North Atlantic, sum hevur teknað kampusbygningin, Johan Ísak Suni Hansen, fyrisitingarstjóri á Fróðskaparsetrinum, Terji Beder, fulltrúi í Barna- og útbúgvingarmálaráðnum og Bárður í Baianstovu, málsarkitektur hjá Landsverki.