Russland vil leggja trýst á NATO

- Russland provokerar og vil leggja trýst á limalondini í NATO, nú Russland hevur gjørt seg inn á loftrúmið í Estlandi, Rumenia og Pólland. Tað sigur Tór Marni Weihe, ph.d.-lesandi á Fróðskaparsetrinum og kønur í russiskum viðurskiftum.

Russland ger seg inn á loftrúmið hjá limalondum í NATO. Fríggjadagin vóru trý russisk jagaraflogfør í estiskum loftrúmi. Eisini hava russiskar dronur verið í rumenskum loftrúmi og 10. september boðaðu myndugleikar í Póllandi frá russiskum dronum í sínum loftrúmi. At Russland ger seg inn á loftrúmið í júst hesum londunum er ikki av tilvild, sigur Tór Marni Weihe.