Óli við aftur í týðandi CL-sigri

- Heimaliðið gav 120 prosent, men vit høvdu svarini.

Tað segði Óli Mittún við EHF eftir at GOG hevði vunnið 31-28 á Eurofarm Pelister í Champions League-dysti í Norðurmakedónia.

Føroyski bakspælarin var við aftur akslaskaða í sera larmandi Boro Churlevski-leikhøllini, har norðurmakedónararnir fingu betri byrjan og skjótt vóru á odda 10-5.

Við hjálp frá einum stórspælandi Frederik Friche Bjerre á vinstra veingi kom GOG skjótt fyri seg aftur, og í steðginum var javnt. Óli Mittún skey sítt fyrsta mál og fyrsta málið hjá GOG í seinna hálvleiki, og fýra máls leiðslan, sum danir vunnu sær helt dystin út.

 - Tað var sera torført at spæla í hesi høllini. Tú hoyrir einki, og mást líta á kropsmálið. Sigurin gevur okkum sjálvsálit frameftir í kappingarárinum, segði Óli Mittún, sum skeyt fýra mál og spældi væl í bakketuni hjá GOG, sambært EHF.

GOG hevur nú tvey stig fyri tríggjar teir fyrstu dystirnar í Champions League bólkaspælinum. Í fjórða umfari vitjar týska stórfelagið Magdeburg, sum vann kappingina í fjør.

Tað var týdningarmikið fyri Champions League-møguleikarnar hjá GOG, at fjónliðið vann á Eurofarm Pelister. Sí samandráttin omanfyri.