Føroysk stroymingartænasta kemur væntandi í ár

Filmshúsið hevur tikið stig til at menna føroyska stroymingartænastu, har allir føroyskir filmar og røðir skulu vera tøkar. Stroymingartænastan verður væntandi tøk seinni í ár og skal vera atkomulig bæði í Føroyum og uttanlands. Eldri tilfar verður ókeypis og brúkarir kunnu rinda fyri at síggja nýggjasta tilfarið. Pengarnir fara beinleiðis til føroyska framleiðaran. 

- Nú verður alt føroyskt tilfar savnað á einum stað, ístaðin fyri at nógv liggur í skuffum og skápum runt umkring. Vit noyðast at menna ein pall sjálvi í Føroyum, tí uttanlands verða bert fáir filmar valdir, sigur Marjun Niclasen, stjóri í Filmshúsinum.