Hallur og Petur við aftur á landsliðnum

Hallur Hansson og Petur Knudsen eru við aftur á fótbóltslandsliðnum við monnum til HM-undankappingardystirnar á heimavølli, sum vera ímóti Montenegro og Kekkia í næstum.

Teir koma inn í hópin ístaðin fyri Noah Mneney og Poul Kallsberg, kunngjørdi Eyðun Klakstein á tíðindafundi í Havn fyrrapartin.

Hallur Hansson var ein av trimum KÍ-spælarum, sum ikki var úttikin til seinasta landsliðsumfar. Hinir vóru René Shaki Joensen og Patrik Johannesen. Teir báðir eru framvegis ikki við, men tað er liðskiparin hinvegin.

Petur Knudsen var skaddur seinast, men hann spælir nú aftur við NSÍ, og er ein, ið venjaratoymi yvirhøvur hevur satsað upp á.

Dystirnir ímóti Montenegro og Kekkia vera ávíkavist 9. og 12. oktober.

Landsliðshópurin:

Málverjar
Mattias H. Lamhauge, FC Fredericia (Danmark)
Bárður á Reynatrøð, Víkingur
Bjarti V. Mørk, HB

Verjuspælarar
Andrias Edmundsson, Wisla Plock (Pólland)
Gunnar Vatnhamar, Víkingur Reykjavík (Ísland)
Samuel Chukwudi, SJK (Finnland)
Odmar Færø (KÍ)
Viljormur Davidsen (HB)
Martin Agnarsson, Aarhus Fremad (Danmark)
Jóannes Kalsø Danielsen (KÍ)
Jann Julin Benjaminsen, NSÍ

Miðvallarar
Brandur H. Olsen, NSÍ
Hallur Hansson, KÍ
Hanus Sørensen, NK Triglav Kranj (Slovenia)
Jákup B. Andreasen, KÍ
Geza David Turi, Grimsby Town FC (England)
Adrian Justinussen, Hillerød (Danmark)
Árni Frederiksberg, KÍ
Jóannes Bjartalíð, Fredrikstad FK

Framherjar
Páll Andrasson Klettskarð, KÍ
Meinhard Egilson Olsen, Kolding IF (Danmark)
Jóan Símun Edmundsson, KA Akranes (Ísland)
Petur Knudsen, NSÍ