U21-fótbóltslandsliðið óbroytt

Ólavur Mikkelsen tykist vera væl nøgdur við sínar U21-spælarar, tí hann hevur tikið júst teir somu út til heimadystirnar ímóti Fraklandi og Sveis, sum hann hevði við sær seinast.

Landsliðsvenjarin hevur eisini góða grund til at geva sínum monnum álit aftur hesa ferð. U21-landsliðið hevur nevniliga vunnið allar tríggjar dystirnar í EM-undankappingini higartil; heima ímóti Estlandi og úti ímóti Íslandi og Luksemborg.

Dystirnir ímóti Fraklandi og Sveis verða 10. og 14. oktober ávíkavist á Djúpumýru og á Tórsvølli.

U21-landsliðiðshópurin:

Málverjar
Rasmus Olsen, FC Suðuroy
Hans Jákup Arngrímsson, Víkingur

Verjuspælarar
Aron Reinert Hansen, B68 Toftir
Jákup Vilhelmsen, B68 Toftir
Jónas Prior, 07 Vestur
Ingi Arngrímsson, Víkingur
Virgar Jónsson, EB/Streymur
Bjarti Thorleifsson, Skála ÍF
Torkil Úlvur Holm, TB Tvøroyri

Miðvallarar
Jógvan Gullfoss, B36 Tórshavn
Mattias Hellisdal, Västerås SK (Svøríki)
Árni Nóa Atlason, Egersunds IK (Noreg)
Dávid Biskopstø Andreasen, KÍ Klaksvík
Ejvind Restorff Mouritsen, HB Tórshavn
Heini Fossdalsá Sørensen, HB Tórshavn
Hanus Højgaard, B68 Toftir
Áki Samuelsen, Ranheim Fotball (Noreg)

Framherjar
Jóhan Josephsen, B68 Toftir *
Aron Benjaminsen, Kristiansund BK (Noreg)
Dávid Reynheim, Torino (ITA)