Fyrsti skiparaskúlin í Føroyum var á Steig í Sandavági

Húsini, sum hava staðið tóm og køld síðani 1963, eru í rættuliga góðum standi. Í løtuni verður arbeitt við at bjálva og klæða húsini, samstundis sum vindeyguni verða skift. Hetta arbeiði verður gjørt í samstarvi við Tjóðsavnið og Kontrast Arkitektar.

Suðuroyar Dánjal ella Dánjal Joensen, sum tók stig til fyrsta skiparaskúlan í Føroyum, var føddur í 1787 í Porkeri. Fyrsta bragdið gjørdi hann 17 ára gamal, tá hann var farin burtur á heiði eftir torvi. Á veg heimaftur sær hann at garðurin á Gjørðum í Porkeri stendur í ljósum loga. Menn royna at sløkkja eldin, samstundis sum 8 ára gamla bóndadótturin, Birita, framvegis er inni í húsinum. Komin til bóndahúsini, breyt Dánjal inn í húsini og fekk bjargað gentuni.

Í samrøðuni við Dagbjørn Hansen og Jan Erik Simonsen verður eitt nú nomið við søguliga býlingin á Steig, Suðuroyar Dánjal, fyrsta skiparaskúlan, og verkætlanina hjá Sandavágs Bygdasavni og Fornminnafelag. Eisini verður nýggja bókin um Suðuroyar Dánjal, sum kemur út seinri í november mánað, umrødd.

Tú kanst hoyra samrøðuna við Dagbjørn Hansen og Jan Erik Simonsen her:
 

Sandavágur.jpg