Grønland vil kanna fyrimunir og vansar við ES-limaskapi

Kjakið um ES er av álvara kyknað aftur í Grønlandi.

Landstingið viðger uppskot um at seta av tvær milliónir krónur til frágreiðing um fyrimunir og vansar við limaskapi í ES.

Onnur viðgerð um tað verður 23. oktober. Grønland fær 250 mió. kr. um árið frá ES.

ES-nevndin ætlar at lata Grønlandi dupult so nógv árini 2028 til 2034. Men tað er kortini ikki samtykt enn. 

Jens-Frederik Nielsen, landsstýrisformaður, heldur ikki, at grønlendingar vilja í ES.

Men Grønland vil størri samstarv, sigur hann. 

Grønlandi var í ES, men fór úr í 1985. Tað avgjørdi fólkaatkvøða í 1982.