Biðja um eykajáttan til Magnus Heinason

Klassin hevur givið skipinum loyvi at loysa, men peningurin er uppi, og Havstovan hevur tí biðið um eykajáttan til yvirlitstrolingar

Klassin sigur, at tað er í lagi, at Magnus Heinason loysir aftur, men eingin peningur er til yvirlitstrolingar.

Jákup Bogi Joensen

Johnsigurd Johannesen

21.08.2012 - 15:01

<div>Havrannsóknarskipið Magnus Heinason, ið varð lagt um mánaðarskifti juni/juli, tí skipið kravdi umfatandi umvælingar, hevur nú fingið loyvi frá klassaeftirlitinum at loysa. Men skipið kann ikki loysa, tí játtanin til Havstovuna er uppbrúkt. </div><div><br></div><div>Havstovan hevur brúkt góðar tvær milliónir krónur av rakstrarjáttanini til umvælingar av Magnusi Heinasyni, og hevur nú biðið landsstýrið um 1,9 milliónir krónur í eykajáttan, upplýsir Eilif Gaard, stjóri á Havstovuni. Eykajáttanin er neyðug, nú yvirlits-rolingarnar á landgrunninum skulu gerast, sigur Eilif Gaard.</div><div><br></div><div>Hann sigur, at yvirlits-trolingarnar eru týdningarmiklar, tí tær eru grundarlagið undir stovnsmetingunum hjá Havstovuni. Jacob Vestergaard, landsstýrismaður í fiskivinnumálum, sigur, at samgongan í løtuni viðgerð eykajáttanina til Magnus Heinason. </div><div><br></div>