- Tíðindi, mentan og ítróttur
Starvsfólkatalið farið upp um 30.000
Starvsfólkatalið farið upp um 30.000
Menninir eru framvegis í meiriluta
505 fleiri vóru í starvi í september enn sama mánað í fjør.
Mynd: Hagstovan
20.10.2025 - 10:16
505 fleiri fólk arbeiddu í Føroyum í september í ár enn í september í fjør, vísa tøl hjá Hagstovuni.
Vøksturin er 1,7 prosent.
Tilsamans vóru 30.084 starvsfólk í september.
Menninir eru framvegis í meiriluta. Teir eru 15.300 og kvinnurnar eru 14.700 í tí, sum Hagstovan kallar starvsfólkaskarin.
43 prosent arbeiða hjá tí almenna, serliga kvinnurnar.
Tvær av trimum kvinnum arbeiða hjá tí almenna.
Í starvsfólkaskaranum eru fólk, 13 ár ella eldri, sum fáa A-skattaða løn svarandi til í minsta lagi fýra tímar um mánaðin.
Er kopiera
Nýggjastu sendingar í ÚV
Nýggjastu sendingar í SV
