Amerikanski varaforsetin í Ísrael

Amerikanska varaforsetin, J. D. Vance, er komin til Ísraels á vitjan. 

Hann fer væntandi at hitta ísraelska forsætisráðharran, Benjamin Netanyahu, og ísrealska forsetan, Isak Herzog, í morgin, skrivar The Guardian.

Vance fer á vitjanini at umrøða vápnahvíldina millum Ísrael og Hamas, og hann fer væntandi at leggja trýst á Benjamin Netanyahu at byrja samráðingar um langtíðarætlanir fyri einum varandi enda á krígnum í Gasa.

Amerikanski varaforsetin fer væntandi eisini at hitta ovastu amerikansku sendimenninar í Miðeystri og hernaðarserfrøðingar, sum hava eftirlit við vápnahvíldini.

Neyðhjálp kemur ikki fram

Amerikanski varaforsetin kemur til Ísraels, samstundis sum partur av neyðhjálpini, sum lovað varð, framvegis ikki er komin til fólkið í Gasa, sambært myndugleikum í Gasa, skrivar the Guardian.

986 lastbilar eru komnir inn í Gasageiran, síðan vápnahvíldin kom í gildi fyri góðari viku síðani, av teimum 6.600 lastbilunum, sum skuldu vera komnir í gjárkvøldið, skriva myndugleikarnir í Gasa á Telegram.

Ætlanin var, at 600 lastbilar av neyðhjálp skuldu koma inn hvønn, men tað talið minni enn 90, sambært myndugleikum í Gasa, skrivar The Guardian.