Fiskidagarnir uppi - útróðrarmenn meint raktir

Teir 3519 fiskidagarnir, sum vórðu tillutaðir bólki 5B, eru brúktir, og tí hava før í bólki 5B ikki loyvi til at reka vinnuligan fiskiskap, tað sum er eftir av árinum. Ein av teimum, sum er raktur av hesum, er Dánial í Geil, sum er útróðrarmaður á Eiði.

Hann heldur, at fiskidagarnir verða brúktir upp, uttan tað eru stórar nøgdir, sum verða fiskaðar.

- At liggja í hálvan triðja mánað við ongum pengum, gongur ikki, sigur Dánial í Geil.

Hoyr innslag í útvarpstíðindunum: 

Jóhan Christiansen, landsstýrismaður við fiskivinnumálum, upplýsir fyri Kringvarpinum í dag, at arbeitt verður við spurninginum, um bólkur 5B skal fáa fleiri dagar.