Nýggjur summarbýlingur í Miðvági

Tað er eitt nýstovnað felag, sum Niels Mortensen, Regin W. Dalsgaard og Tróndur Kollsskerð eiga, ið hevur tikið stig til at byggja nýggja frítíðarbýlið í Miðvági. Talan verður í fyrstu atløgu um tríggjar smáar býlingar í sjálvum býlinginum. Fimm smáttur við plássi fyri seks fólkum vera í hvørjum, so talan verður samalð um ein býling við plássi fyri 90 ferðafólkum.

Verkætlanin er gjørd í samstarvi við Vága Kommunu, sum tí eisini hevur sett nakrar treytir fyri ætlanini.

Kommunan hevur eisini sett sum treyt, at felagið, sum leigar grundøkið í 29 ár og rekur smátturnar, skal vera skrásett í Vága Kommunu.

Smátturnar skulu vera klárar til fyrstu summargestirnir næsta ár, og gongur tað væl, so verður møguliga útbygt.