Heilsufrøðiliga Starvsstovan 50 ár

Tað byrjaði við tørvinum á at fáa kannað mat og vatn, og síðan eru uppgávurnar hjá Heilsufrøðiligu Starvsstovuni víðkaðar til at umfata alt frá matvørutrygd og alilógum til útflutning og djóravælferð.

- Eg gangi út frá at tann náttúrliga skepsisin eisini hevur verið til tá, tí fólk hava helst spurt um hetta nú var neyðugt, tí tað plagar at ganga, sigur Bárður Enni, stjóri á HSF.

Tað sum fyllir nógv í dag er sambandið við útheimin og tann útflutningur, sum føroyskir aktørar hava út í heim. Nógv lond hava stranga lóggávu á økinum og koma tí til Føroya at kanna eftir, um alt er sum tað skal vera her heima, og í hesum sambandi fær HFS nógv at gera.

Men alt snýr seg ikki um útflutning, tí tey halda eisini eygað við tí mati, sum vit eta her heima. Í hesum sambandi hava tey ment eina brá-skipan, har til ber at síggja, hvussu væl matstovur halda tær reglur, ið eru fyri slíkar. Hon er at finna á brá.fo.