Jónhild hevur leitt Taborkórið í 25 ár

Fyri 25 árum síðani var Taborkórið sett á stovn. Í kvøld verður hetta hátíðarhildið við konsert í Fríðrikskirkjuni.

Frá fyrsta degi hevur Jónhild Djurhuus verið kórleiðari, og tað er hon framvegis. Á klaverinum hon øll árini havt Andreu á Regni Højgaard.

- Vit eru sum systrar, sigur Jónhild, sum heldur tað vera ein stóran fyrimun, at tær báðar hava verið saman um Taborkórið hesa tíðina.

Kórið hevur verið ógvuliga virkið í samkømuhøpi. Nógv hevur verið sungið í Tabor, men eisini í øðrum samkomum kring landið. Harumframt hava onkrar uttanlandsferðir verið.

Í kvøld, hóskvøld, klokkan 19 verður konsert í Fríðrikskirkjuni, og í grundini er hetta fyrsta konsert í søguni hjá kórinum.

Vit eru ógvuliga spent, ásannar kórleiðarin, sum kann fegnast um, at kórið í dag telur fleiri enn 50 fólk.