Maður deyður í haganum

Í gjárskvøldi klokkan trý-korter til níggju, fekk løgreglan eina fráboðan um, at ein maður ikki var komin aftur av haruveiðu.

Hann var farin einsamallur í hagan omanfyri Signabø. Fólk vóru stúrin um mannin, og ein leiting bleiv tí beinanvegin sett í verk. 

Bæði hundar, tyrla, dronur, bjargingarbátur og staðkend fólk vóru við í leitingini. 

Maðurin var funnin lívleysur umleið klokkan hálvgum fýra í nátt, tá hundarnir hjá løgregluni komu fram á hann.

Maðurin varð fluttur á Landssjúkrahúsið við tyrluni, men tá var staðfest, at hann var deyður.

Avvarðandi eru kunnað um hendingina. 

Enn er ógreitt, júst hvat er hent, men løgreglan fer nú at kanna málið.