Upprunafólkið í Brasil mótmælir veðurlagsbroytingum

Í dag eru hundraðtúsundtals fólk farin út á gøturnar ymstastaðni í heiminum við kravi um, at politikararnir steðga veðurlagsbroytingunum.

Mótmælisfólkini vilja leggja trýst á heimsins leiðarar, sum eru á COP30 veðurlagstoppfundinum í býnum Belém í Brasil.

Veðurlagsráðstevnan hjá ST byrjaði mánadagin og hon hevur longu nú verið rakt av ófriði nakrar ferðir.

Fyrr í vikuni trokaðu óð mótmælisfólk seg inn í bygningin, har ráðstevnan verður hildin. Fleiri av mótmælisfólkunum eru upprunafólk.

Upprunafólkið í Brasil vil gera vart við sína ónøgd, sigur Maria Andersen, veðurlagskorrespondentur hjá DR, sum er stødd í Belém.

Hoyr stutta reportasju, sum Mariu Andersen gjørdi við donsku sjónvarpstíðindini