Stígur í grøna orkuskiftinum

Elveitingarlógin, sum var samtykt á vári í fjør, skuldi eftir ætlan skunda undir grøna orkuskiftið.

Ein liður í lógini var, at SEV skuldi fyrireika eina prísskipan, sum kann bjóða bíligari streym, tá ið lítið ella eingin olja verður brúkt.

Eftir ætlan skuldi ein vindmyllulund vera á Klivaløkshaga í Sandoynni. Verkætlanin er tó seinkað í minsta lagi í eitt ár.

Men SEV hevur bygt út og gjørt íløgur í koblings- og battarístøðir, sum skulu taka ímóti vindorku. Til samans hevur SEV brúkt á leið 700 mió. krónur til endamálið.

Á Sandi eru 242 mió. krónur brúktar til eina koblings- og battarístøð til fánýtis, tí vindmyllurnar eru ikki komnar upp.

Eisini var ætlanin, at privat feløg skuldu fáa møguleika at selja streym beinleiðis til brúkarar. Bakkafrost skuldi standa fyri einari vindmyllulund á Lambavík, men verkætlanin er stegðað upp.

Vindmyllurnar lata bíða eftir sær. Og tað bendir á, at SEV fer at hækka el-prísin í morgin, tá ið SEV hevur eykaaðalfund.