Bilar stoyttu saman í Kollafirði

Eitt ferðsluóhapp hendi í Kollafirði klokkan seks í gjárkvøldið, tá ið tveir bilar stoyttu saman.

Trý fólk fóru á sjúkrahúsið til kanningar, sigur vakthavandi á politistøðini.

Eingin er skuldsettur. Og enn veit politiið ikki at siga við vissu, hvat hendi, og málið verður kannað nærri.

Eitt vitni sá hendingina, og skal avhoyrast.

Annars hevur náttin verið friðarlig, upplýsir vakthavandi.