Fiskamerking gevur dýrabara vitan

Fiskamerking gevur dýrabara vitan
Góð 300 fiskimerkir eru latin inn til Havstovuna. Hetta er við til at geva okkum týdningarmikla vitan, sigur fiskafrøðingur
01.12.2025 - 19:25

Í dag hevur lutakast verið um merktan tosk, sum hevur verið fangaður seinasta árið. 

Áleið 1000 fiskar blivu merktir í seinasta umfari, og góð 300 merkir blivu latin inn. 

Hetta er eitt átak, sum gevur okkum týdningarmikla vitan um føroyska fiskastovnin, sigur Petur Steingrund, fiskafrøðingur á Havstovuni. 

 

Dýrabar vitan

- Hetta sigur nakað um ferðing og vøkstur á fiski, og í síðsta enda stuðlar tað okkum í at fáa eina betri umsiting av føroysku fiskastovnunum, sigur Petur Steingrund.

Takka verið fiskamerkingini vita vit til dømis, at toskur, sum er rak, heldur til tætt við land, meðan feitur toskur, sum er væl fyri, er longri úti á sjógvi. 

Hetta er vitan, sum beinleiðis er komin burturúr fiskamerkjum, sum eru latin inn, greiðir Petur Steingrund frá.

 

Vinnarin úr Klaksvík

Hepni vinnarin gjørdist fiskimaðurin Johan Klakstein úr Klaksvík, sum siglur við trolbátinum Jens Leon.

- Tað var ótrúliga stuttligt, segði Johan Klakstein, tá Petur Steingrund fekk orðið á hann við gleðiligu boðunum.

Toskurin hevði verið úti á sjógvi í gott eitt ár, áðrenn hann bleiv fangaður úti móti Nólsoyarbanka.

 

Vinnarin fær 12.500 krónur fyri at hava latið inn merkta toskin.

 

 

 

 

 
Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565