Verjan við Føroyar verður dubbað

Fyri 15 árum síðani bleiv radarastøðin á Sornfelli seinast brúkt til hernaðarligt virki.

Nú er nýggj trygdaravtala millum Føroyar, Grønland og Danmark komin í gildið, sum eftir øllum at døma fer at merkja, at meira hernaðarligt virksemi aftur fer at síggjast í Føroyum.

Lítið nevnt um Føroyar

Avtalan er um at betra donsku verjuna á landi, sjónum og luftini í danska kongaríkinum og arktis.

Men hyggur mann nærri at avtaluni, verður størri dentur lagdur á grønlendsk viðurskifti enn føroysk. 

Hetta er millum annað tí, at Føroyar sjálvar stýra nógvum málsøkjum, sum Grønland ikki stendur eina um, greiðir Søren Andersen, verjuovasti í Arktisk kommando, frá. 

Føroyar eru verri at verja

Hóast Føroyar eru nógvar ferðir minni enn Grønland í stødd, eru Føroyar kortini munandi verri at verja sambært verjuovastanum.

Í Grønlandi eru, sambært verjuovastanum, heldur fá hernaðarmál.

Meðan vit í Føroyum eru ávirkaði av, at russiski norðurflotin fer út á okkara leiðum. Tí hevur verjuovastin eyguni meira við Føroyum enn Glønlandi í løtuni.