VAR verður tikið í brúk í Betrideildini hjá monnum

Tá kappingarárið í fótbólti byrjar næsta ár verður VAR væntandi brúkt í Betrideildini hjá monnum.

Tað váttar Lassin Isaksen, dómaraleiðari hjá Fótbóltssambandi Føroya við fótbóltsmiðilin Bolt.fo.

VAR stendur fyri Video Assistant Referee og verður brúkt, tá dómarin ivast í, hvat hann skal døma.

Til dømis er VAR brúkt, tá staðfestast skal við at brúka videoupptøkur, um brotsspark ella rangstøða eru.

Fótbóltssambandið hevur gjørt ein bil út við VAR-útgerð og ein partur av útgerðini er klárur, sigur Lassin Isaksen við bolt.fo.

Men onkrar forðingar kunnu koma, sum gera at VAR ikki verður tikið í nýtslu við kappingarbyrjan, men seinni í kappingini.

Um leistin, sigur Lassin Isaksen, at VAR verður brúkt í einum dysti í hvørjum umfari, og at skráin fyri VAR-dystir verður løgd út langft frammanundan hesi verða spældir. Ætlanin er, at øll liðini skulu hava eins nógvar VAR-dystir í kappingarárinum.