Feskar matvørur aftur í handlunum í morgin

Í morgin verða grønmeti og aðrar feskar vørur aftur á hillum í fleiri matvøruhandlum. 

Vøra sum t.d. grønmeti, feskur viðskeri og ostur, sum eftir ætlan skuldi setast á handilshillarnar mánadagin, er ikki komin til landið enn, tí farmaskipið Selfoss hjá Eimskip sunnudagin fekk maskinskaða norðan fyri Hetland, og mátti togast til Hetlands.

Handlarnir fingu boðini sunnukvøldið.

Av tí at vørurnar eru so nógv seinkaðar, verður ein partur seldur við avsláttri. 

Bo Møller er marknaðarleiðari hjá Føroya Keypssamtøku:

Handlar í SMS-samtakinum hava eisini manglað vørur.

Niels Mortensen, stjóri í  SMS-samtakinum, sigur, at tað er sera óheppið at mangla vørur stutt fyri jól. 

Hann sigur,  at samtakið hevur tó fingið nakað av vøru. Tær vóru fluttar úr Danmark til Brússel, og haðani vóru tær fluttar við flogfari til Føroya. 

Nú skulu 'seinkaðu' vørurnar, sum koma til landið í kvøld, seljast so skjótt sum gjørligt, áðrenn nýggjar vørur koma mánadagin.