Ringið til Jólamannin jólaaftan

Jólaaftansmorgun eftir tíðindini kl. 10 kunnu børnini gleða seg til at ringja til jólamannin, sum situr klárur við telefonina í Skeivahelli.   

Kertustubbi hevur enn einaferð gjørt sær pláss í kalendaranum til at práta við børnini í Føroyum, og hann gleðir seg so nógv. Hann pakkar teir seinastu pakkarnar, men veit ikki rættiliga, hvat hann skal geva øllum børnunum, og hvar tey verða á jólum. Børnini kunnu ringja inn til hansara á 31 13 80, men minst til, tað eru bara børnini, sum sleppa.