2025 verður eitt ár, Sissal fer seint at gloyma

Sissal Jóhanna Norðberg Niclassen hevur ferð eftir ferð stolið hjørtu okkara í ár. Tað er ikki ein undirmeting at siga, at Sissal hevur verið nógv frammi í miðlunum og veruliga gjørt nógv um seg. Tað er serliga tónleikaliga, at Sissal hevur staðið seg væl, tá ið hon vann danska Melodi Grand Prix í februar og sang seg heilt til finaluumfarið í Eurovision í mai. Nógv varð gjørt burtur úr stóru hendingini, millum annað varð finalan víst á stórskíggja á Vágsbotni, har nógv fólk vóru savnað. 

Les eisini: Trappan er full! 

Sissal Jóhanna Norðberg Niclasen, Eurovision 2025

Sissal, ið umboðaði Danmark til Eurovision, megnaði at koma í finaluumfarið, sum er fyrstu ferð síðani 2019.

Kringvarp Føroya var við, tá ið Sissal skuldi umboða Danmark í heimsins størstu tónleikakapping, Eurovision, sum var hildin í Basel í Sveis. Í sendingini fylgja vit Sissal í heimligum umhvørvi á Oyrasundi, eru í bindiklubbi og sleppa aftur um stóra pallin í Basel. 

Síggj Hvørvisjón her: 

Ikki nóg mikið við tí, so Sissal hevur eisini luttikið í seinasta umfari av væl umtóktu dansikappingini Dansifrøi, har hon vísti øllum kongaríkinum, at hon dugir meira enn bara at syngja. 

Les eisini: Tit koma at síggja nógv meira til mín 

Hetta er bara brot úr øllum tí, sum er hent í 2025. Hóast hon hevur nógv um at vera, var Rebekka Manuela Behrens á gátt hjá Sissal og frætti, hvussu árið hevur verið. Hoyr alla samrøðuna omanfyri.