Obama roynir at fáa oljuprísin at lækka

Forsetin ætlar at selja olju úr amerikansku goymslunum, tí nú nærkast forsetavalið

Nú bert tríggir mánaðir eru eftir til forsetavalið, umhugsar forsetin at fáa oljuprísin at lækka.

17.08.2012 - 16:56

<div>Amerikanski forsetin, Barack Obama, umhugsar at selja olju úr amerikansku goymslunum, fyri at fáa oljuprísin at lækka, skrivar Reuters.</div><div><br></div><div>Prísurin er hækkaður nógv seinastu tíðina, úr 90 dollarum í juli, upp í næstan 120 dollarar fyri tunnuna nú. Amerikanarar brúka nógva olju og bensin, og hava vanliga fingið oljuna fyri sámuligan prís. Men nú hækkar prísurin, og tá bert tríggir mánaðir eru eftir til forsetavalið, umhugsar forsetin at fáa oljuprísin at lækka.</div><div><br></div><div><b>700 mió. tunnur á goymslu</b></div><div><br></div><div>USA hevur heimsins størstu oljugoymslur, sum í løtuni eru umleið 696 miljónir tunnur. Reuters endurgevur keldur í amerikansku umsitingini, sum siga, at forsetin fylgir gongdini í oljuprísinum til 3. september, áðrenn hann tekur endaliga støðu. ES og USA hava sett tiltøk í verk ímóti Iran, sum m.a. hava við sær, at tey ikki keypa olju úr landinum.</div><div><br></div><div>Tað fær prísin at hækka, og hóast tiltøkini, fær Iran væl burtur úr høgu prísunum, tí landið selur framvegis olju til nøkur lond. Amerikanski forsetin fer at tosa við sínar sameindu, Bretland, Frakland og Týskland, og altjóða orkufelagskapin, áðrenn hann tekur støðu. Fyri nøkrum mánaðum síðani fekk hann undirtøku til eitt slíkt stig.</div><div><br></div><div>Í fjør læt amerikanska stjórnin 60 millónir tunnur av olju á marknaðin, og tað fekk prísin at lækka sjey dollarar fyri tunnuna.</div><div><br></div>