Trump hóttir við at søkja at Kolumbia

Amerikanski forsetin hóttir nú við at søkja at suðuramerikanska landinum Kolumbia. 

Tað gjørdi Donald Trump í nátt, okkara tíð. 

- Tað ljóðar væl í mínum oyrum, svaraði forsetin, tá tíðindafólk umborð á Air Force One spurdu hann, um USA fer at leypa á Kolumbia

- Kolumbia er eitt sjúkt land, sum er stýrt av einum sjúkum manni, ið dámar væl at framleiða kokain og selja tað til USA.  Tað fer hann ikki at gera leingi aftrat, segði Trump.

Gustavo Petro - Mynd: Ritzau Scanpix

Gustavo Petro er forseti í Kolumbia. (Mynd: Ritzau Scanpix)

Hann sipaði til forsetan í Kolumbia, Gustavo Petro, sum Trump fyrr hevur ákært fyri at framleiða rúsevni.

Kolumbiski forsetin, Gustavo Petro, vísir aftur ákærum og hóttanunum frá amerikanska forsetanum.

Sambært bretska miðlinum, The Guardian, skrivar Petro á miðlinum X, at einki rættarmál er móti sær, og hann heitir á Trump um at gevast við at spilla seg út.