Fráboðan um samhugaverkfall var óheimilað stríðsstig

Hóast einki verkfall var, er fráboðanin um verkfallið óheimilað stríðsstig.

Tað sigur Fasti gerðarrættur.

Tá arbeiðarafeløgini vóru í verkfalli í 2024, boðaði Starvsfelagið frá, at limir felagsins í Føroya Tele, hjá Vága floghavn og á Posta fóru í samhugaverkfall.

Tað skuldi vera 11. juni. 

Men samhugaverkfallið var av ongum, tí verkfallið hjá arbeiðsfólki endaði 9. juni.

Føroya arbeiðsgevarafelag vildi fáa Fasta gerðarrætt at áleggja Starvsfelagnum at viðurkenna, at fráboðaða samhugaverkfallið var brot á friðarskylduna og tí óheimilað stríðsstig.

Starvsfelagið var ikki við í samráðingunum, segði Arbeiðsgevarafelagið.

Fasti gerðarrættur sigur, at talan var um óheimilað stríðsstig.