Plátupanelið ellivu ferðir á skrá í 2025

Leygardagin 1. oktober 2022, klokkan 14, bleiv fyrstu ferð skrúvað upp fyri Plátupanelinum í útvarpinum.

Hugskotið um at hava eina beinleiðis leygardagssending við plátunørdaríi hevði spøkt í sendingini LEITISSTEIN frammanundan, har eitt panel mannað við Knút Háberg Eysturstein, Fróða Løkságarð og Eileri Sørensen í fimm umførum hevði verið savnað.

Breið semja var um, at hugskotið var upplagt til eina sending í sær sjálvum, og soleiðis bleiv.

Einfalt konsept

Plátupanelið verður beinleiðis úr Studio 4 í Sortudíki í Havn fyrsta leygardag í hvørjum mánaði í vetrarskránni hjá útvarpinum. 

Manningin er skiftandi, og tað er verturin til tíði reisini.

Konseptið er einfalt: Í tveir tímar skiftast limirnir í panelinum um at velja plátur, sum teir halda vera góðar, og sum liggja innanfyri eitt ávíst evni, ið er avtalað frammanundan. 

Tónleikaár eru ofta á skránni, men í 2025 vóru eisini onnur spennandi evnir, eitt nú tónlistarliga sterkar plátur við serstakliga sterkum byrjanarløgum, heitisløgum og endaløgum.  

Fimm debutantar

13 ymisk tónleikakøn fólk hava mannað Plátupanelið í 2025, og tveir ymiskir vertir hava verið, Uni Leitisstein Hansen og Dania O. Tausen. Hendan seinna var vertur fyri afturvendandi kvinnupanelinum í sambandi við altjóða kvinnudagin 4. mars. 

Hesi hava lagt samanlagt 170 plátur undir nálina. 

Fróði Løkságarð, ið er ein av uppruna limunum í Plátupanelinum, sat í panelinum sjey ferðir í 2025, Ári Rouch var við seks ferðir, meðan Guðrið Hansdóttir, Hergeir Eldevig, Eiler Sørensen og Heiðrikur á Heygum hava sitið í panelinum tríggjar ferðir hvør.

Knút Háberg Eysturstein var tvær ferðir við, meðan Urd Johannesen og Unn Paturson vóru við ta einum ferðina hetta farna árið. 

Fýra fólk fingu sína debut í Plátupanelinum í 2025. Tey vóru Esther á Fjallinum, Jasmin Mote, Marianna Nagata og Regin Toftegaard

Plátupanelið #25 1990 4. jan. 2025 Plátupanelið 25   Fróði Løkságarð Hergeir Eldevig Knút H. Eysturstein Uni L. Hansen, vertur	Plátupanelið #26 1985 1. feb. 2025 Plátupanelið 26   Knút H. Eysturstein Fróði Løkságarð Ári Rouch Uni L. Hansen, vertur	Plátupanelið #27 Kvinnupanelið 1. mars 2025 Plátupanelið 27 kvinnupanelið   Jasmin Mote Guðrið Hansdóttir Marianna Nagata Dania O. Tausen, vertur
Plátupanelið #28 1995 5. apríl  2025   Plátupanelið 28   Fróði Løkságarð  Ári Rouch Eiler Sørensen Uni L. Hansen, vertur	Plátupanelið #29 Endaløg 3. mai 2025    Plátupanelið 29   Fróði Løkságarð Guðrið Hansdóttir Heiðrikur á Heygum Uni L. Hansen, vertur	Plátupanelið #30 2005 7. juni 2025     Plátupanelið 30   Heiðrikur á Heygum Guðrið Hansdóttir Ári Rouch Uni L. Hansen, vertur
Plátupanelið #31 Byrjanarløg 6. september 2025   Plátupanelið #31   Ári Rouch Eiler Sørensen Fróði Løkságarð  Uni L. Hansen, vertur	Plátupanelið #32 2006 4. oktober 2025   Plátupanelið 32   Ári Rouch Hergeir Eldevig Fróði Løkságarð Uni L. Hansen, vertur	Plátupanelið #33 Heitisløg 1. november 2025   Plátupanelið 33   Eiler Sørensen Fróði Løkságarð Urd Johannesen  Uni L. Hansen, vertur
Plátupanelið #34 1980 6. desember 2025   Plátupanelið 34   Unn Paturson  Heiðrikur á Heygum Esther á Fjallinum Uni L. Hansen, vertur	Plátupanelið #35 Árið, ið fer 2025 31. desember 2025   PLátupanelið 35   Ári Rouch Hergeir Eldevig Regin Toftegaard Uni L. Hansen, vertur

1991 ársins fyrsta evni

Plátupanelið er longu farið til verka í 2025, tí tað vildi soleiðis til, at fyrst leygardagurin í januar var longu 2. januar. 

Evnið í ársins fyrsta Plátupaneli var tónleikaárið 1991, ið verður mett sum eitt hitt sterkasta - kanska tað sterkasta - í søguni. 

Í ársins fyrsta paneli var eisini ein debutantur við, og tað var Ólavur Eyðunsson Gaard, ið er tónleikari og tónleikalærari. 

Plátupanelið logo

Hvat: Plátupanelið
Hvar: Í útvarpinum og á KVF Ljóð
Nær: Fyrsta leygardag í mánaðinum kl. 14, og tá tað passar tær á KVF Ljóð