Breddin: Eftir fundin í Washington um Grønland

Var hetta ein diplomatiskur sigur, har Danmark og Grønland gjørdu USA greitt, hvar markið gongur? Og hvussu sær framtíðin hjá Grønlandi út, verður spurt í sendingini

Lars Løkke Rasmussen, uttanríkisráðharri, og Vivian Motzfeldt, landsstýriskvinna í uttanríkismálum í Grønlandi, á tíðindafundi uttan fyri donsku sendistovuna í Washington.

Mynd: Ritzau Scanpix

Birita Matras Petersen

15.01.2026 - 08:59

Í gjár var søguligur fundur í Washington millum Lars Løkke Rasmussen, uttanríkisráðharra, og Vivian Motzfeldt, landsstýriskvinnu í uttanríkismálum í Grønlandi, við amerikanska uttanríkisráðharran, Marco Rubio, og varaforsetan, J.D. Vance.

Eftir fundin var tosað um, at fundurin hevði verið positivur, men at tað enn er ein grundleggjandi ósemja um Grønland. Ein arbeiðsbólkur skal setast, og samrøðan millum partarnar skal halda fram.

Men hvat kom veruliga burtur úr fundinum?

Var hetta ein diplomatiskur sigur, har Danmark og Grønland gjørdu USA greitt, hvar markið gongur?

Ella var fundurin eitt stig í einum longri amerikanskum trýsti, har Grønland verður sett í miðdepilin í einum trygdarpolitiskum stórspæli?

Og tá USA framvegis tosar um Kina og Russland sum grundgeving - hóast Danmark og Grønland vísa hesum aftur - hvør eigur so dagskránna eftir fundin í Washington?

Og hvussu sær framtíðin út hjá Grønlandi eftir fundin?

Tað spyrja vit um í sendingini í dag.

Breddin klokkan 10.