Raksturin batnaði hóast mótrák

Raksturin hjá Bakkafrosti gav 295 milliónir krónur í vinningi í fjórða ársfjórðingi í fjør.

Í fjórða ársfjórðingi í 2024 var vinningurin 280 mió. kr.

So raksturin batnaði, hóast mótvind á marknaðinum, sigur Bakkafrost,

Tøkan í Føroyum var 23.312 tons og 4.579 tons í Skotlandi.

Hetta er meira enn í 2024.

Fíggjarliga úrslitið í fjórða ársfjórðingi var tó ikki nøktandi, sigur Bakkafrost. 

Stórt útboð

Stóra útboðið av laksi trýsti marknaðarprísirnar niður stóran part av ársfjórðinginum. 

Harumframt rakti felli skotska virksemið í Portree í oktober.

Tað var avleiðing av sjúkuni, sum áður fráboðað rakti fiskin har í triðja ársfjórðingi.

Men betraða rakstrargongdin er tó hugalig, nú vit hyggja fram móti 2026, har útlitini eru betri á marknaðinum, sigur Regin Jacobsen, stjóri.

Hann væntar, at útboðið av laksi verður enn meira avmarkað frá øðrum ársfjórðingi í ár.