Fyrireika MR-skannaran í Klaksvík til bróstkanningar

Enn vera MR-skanningar av brósti ikki gjørdar á Klaksvíkar Sjúkrahúsi.

Men í januar ár er Sjúkrahúsverkið farið undir at gera útgreiningararbeiðið og tær fyrireikingar, sum skulu til, fyri at seta MR-skanningar av bróstum í verk í Klaksvík.

Væntandi verður klárt at skanna eftir summarfrítíðina í ár.

Tað sigur Margit Stórá, landsstýriskvinna, í svari til Elsebeth Mercedis Gunnleygsdóttur, løgtingskvinnu.

Hon sigur, at MR-skanningar kunnu ikki koma í staðin fyri mammografikanningar, men verða brúktar sum ískoyti til mammografi.

Ongar ætlanir eru at keypa nýggjan MR-skannara til Landssjúkrahúsið í bræði, sigur landsstýriskvinna.

Í løtuni verður tann gamli, hann er 13 ár, 1,5 Tesla MR-skannarin á Landssjúkrahúsinum dagførdur.