Byrja á heimavølli móti Kasakstan

Hósdagin var lutakast um, hvussu spælast skal í UEFA Nations League bólkaspælinum hjá monnum. Føroyar komu í bólk C3, saman við Kasakstan, Slovakia og Moldova.

– Hetta var onkrastaðni ímillum tað sum vit ynsktu og tað sum vit fryktaðu. Nú ræður um at vit eru klárir, samstundis sum vit skulu trúgva uppá, at vit kunnu klára okkum væl, og fara síðani eftir tí heilt stóra, segði landsliðsvenjarin hjá monnum, Eyðun Klakstein.

Leikskráin er nú klár, og har sæst, at Føroyar spæla fyrsta dystin á heimavølli leygardagin 26. septembur klokkan 17:00 ímóti Kasakstan, skrivar Fótbóltssambandið.

Leikdaganar verða annars 29. septembur, 2. og 5. oktobur, og 12. og 15. novembur, tá Moldova kemur á vitjan í Føroyum.

Leikskráin, UEFA Nations League 2026-2027:

26. sept. Føroyar – Kasakstan (17:00)

29. sept. Moldova – Føroyar (19:45)

2. okt. Føroyar – Slovakia (19:45)

6. okt. Kasakstan – Føroyar (15:00)

13. nov. Slovakia – Føroyar (19:45)

16. nov. Føroyar – Moldova (15:00)