Góður streymur og gott veður

Streymurin er góður og veðrið verður hampuligt nú í vikuni.

Fiskamarknaðurin væntar tí nakran útróður.

Ísfiskalínuskipið er farið túr norðanfyri at fiska tosk og hýsu. 

Fimm frystilínuskip eru við Ísland, og tvey eru við Føroyar. 

Tveir djúpvatnstrolarar eru á Íslandsrygginum. Teir fiska tosk og nakað av svartkalva og blálongu. 

Tveir eru eystanfyri. Teir fiska svartkalva. 

Fimm pør til fiskiskap

Um partrolarar sigur Fiskamarknaðurin, at fimm pør eru úti.

Fiskaríið hjá teimum er heldur slakari nú enn tað hevur verið.

Tveir trolbátar fiska havtasku. 

Tveir eru norðanfyri og fiska tosk og hýsu og nakað av reyðsprøku.

Trý garnaskip fiska svartkalva. Fiskaríið hjá teimum er misjavnt.