Plátupanelið heiðrar kvinnurnar leygardagin

Altjóða kvinnudagurin, sum er sunnudagin 8. mars, setur eisini sín dám á Plátupanelið leygardagin klokkan tvey.

Tá verður árliga Kvinnupanelið á skránni. 

Tað merkir stutt og greitt, at kvinnur stýra sendingini, kvinnur velja tónleikin, og kvinnur spæla tónleikin. 

Fjórðu ferð

Hetta er fjórðu ferð, at skipað verður fyri árliga kvinnupanelinum. 

Tær undanfarnu tríggjar ferðirnar hevur Dania O. Tausen verið vertur.

HOYR EISINI: Plátupanelið #7 (Kvinnupanelið 2023)
HOYR EISINI: Plátupanelið #17 (Kvinnupanelið 2024)
HOYR EISINI: Plátupanelið #27 (Kvinnupanelið 2025)

Men Dania er flutt til Noregs í lestrarørindum, so í ár verður tað Sunneva Háberg Eysturstein, ið er vertur. 

Panelið kvinna Guðrið Hansdóttir, Michala Sannoni og Inga Laksáfoss Simonsen. Báðar tær síðst nevndu debutera í Plátupanelinum. 

Gleðið tykkum til eina sera spennandi sending. 

Annars er nógv á skránni um vikuskiftið í sambandi við, at altjóða kvinnudagurin er sunnudagin 8. mars. 

Meira fæst at vita um tað á Facebook-vanganum hjá Femifagnaðinum. 

Plátupanelið logo

Hvat: Kvinnupanelið (í Plátupanelinum)
Hvar: Í útvarpinum og á KVF Ljóð
Nær: Leygardagin kl. 14, og tá tað passar tær á KVF Ljóð