Løgtingsvalið: Bara ein borgarstjóri stillar upp

Bara ein borgarstjóri stillar upp á løgtingsvalinum hesaferð.

Tað er Ólavur Fríði Nybo, sum er borgarstjóri í Kunoyar kommunu. Hann stillar upp fyri Javnaðarflokkin.

Hetta er merkisvert, tí fyrr hevur tað verið vanligt, at nógvir borgarstórjar royndu at sleppa í Løgtingið.

Tað skriva valurslit.fo.

Í 2015 stillaðu 14 borgarstjórar upp, og í 2019 stillaðu 11 borgarstjórar upp.

Á løgtingsvalinum í 2022 vóru teir hinvegin bara tríggi, og hesaferð er tað bara ein borgarstjóri, sum bjóðar seg fram sum valevni.

Á seinastu fimm løgtingsvalunum hava sitandi borgarstjórarnir á Tvøroyri, á Sandi, í Havn og í Vestmanna stillað upp fýra ferðir, skriva valurslit.fo.