Ítøkiligar samráðingar millum ABC-flokkarnar

Tað er líkt til, at tað verður ein ABC-samgonga tey komandi fýra árini. Beinir Johannesen fer í ítøkiligar samráðingar við Sambandsflokkin og Javnaðarflokkin í morgin

Beinir Johannesen, formaður í Fólkaflokkinum, hevur nú tosað við allar flokkar, og hevur givið Sambandsflokkinum og Javnaðarflokkinum boð um at koma til ítøkiligar samráðingar í morgin, mánadagin

Mynd: Bjarni Árting Rubeksen

Sigurjón Einarsson

29.03.2026 - 15:22

Tað bendir á, at tað verður ein ABC-samgonga millum Fólkaflokkin, Sambandsflokkin og Javnaðarflokkin tey komandi fýra árini. Beinir Johannesen, samráðingarleiðari, hevur havt fund við allar flokkar, og fer í morgin í ítøkiligar samráðingar við Sambandsflokkin og Javnaðarflokkin.

Hóast ósemja hevur verið um tjóðarsemjuna, tí Sambandsflokkurin hevur verið uttanfyri hesa semju, so metir formaðurin í Fólkaflokkinum, at flokkarnir kunnu finna eina felags loysn viðvíkjandi hesum spurningi.

Beinir Johannesen leggur eisini dent á, at tað hevur týdning at gera eina samgongu millum tríggjar teir størstu flokkarnar, tí hann metir, at Føroyar hava brúk fyri tryggari stýring komandi árini - við teimum avbjóðingum, sum standa fyri framman.

Hoyr innslag her:

Beinir_Johannesen_kl_14