- Tíðindi, mentan og ítróttur
Norskt blað vil hava Stoltenberg frá
<div>Bumbuatsóknin í Oslo og atsóknin á Utøya 22. juli í fjør, sum kravdu 77 mannalív, kundu verið steðgaðar. Tað er niðurstøðan hjá norska blaðnum, Verdens Gang, sum mælir Jens Stoltenberg, forsætisráðharra til at leggja frá sær.</div><div><br></div><div>Í gjár kom frágreiðingin um hendingina, sum ein nevnd hevur arbeitt við í eitt ár. </div><div><br></div><div>Og Verdens Gang sigur niðurstøðuna vera greiða: Stovnarnir sum skuldu verja land og fólk, virkaðu ikki. Tey sviku okkum, skrivar blaðið í oddagreinini í dag.</div><div><br></div><div>Nógv er tosað um kreppustøður, men evnini at loysa slíka kreppu vóru ikki til, ger blaðið greitt. </div><div><br></div><div>Jens Stoltenberg hevur fyrr sagt seg taka ábyrgdina av tí, sum hendi 22.juli í fjør, men hann hevur víst aftur, at hann ætlaði at leggja frá sær sum forsætisráðharri.</div><div><br></div><div>Í frágreiðingini fær stjórnin rós frá nevndini, tí samskiftið við fólkið var gott, og fólk kendu seg trygg.</div><div><br></div><div>Verdens Gang sigur í oddagreinini, at Stoltenberg hevur meiriluta í stórtinginum og valdið til at verða sitandi. Men hann átti at havt dirvi at lagt frá sær, skrivar blaðið í oddagreinini í dag.</div><div><br></div>
