- Tíðindi, mentan og ítróttur
Greinari: Avmarkingin rakar fyrst og fremst SalMar
<div><div>Lógaruppskotið hjá Vinnumálaráðnum um útlendskar eigarar í føroysku alivinnuni fer fyrst og fremst at forða fyri, at norska fyritøkan SalMar kann keypa fleiri partabrøv í Bakkafrosti. </div><div><br></div><div>Men SalMar sleppur tó undan at selja síni partabrøv, tí ognarparturin hjá SalMar í Bakkafrosti í løtuni er beint undir markinum, sum er 30 prosent.</div><div><br></div><div>Tað sigur Kolbjørn Giskeødegard, greinari hjá Nordea. </div><div><br></div><div>Kolbjørn Giskeødegard sigur, at lógaruppskotið kann fáa útlendskar íleggarar at ivast meira í at gera íløgur í føroysk feløg, tí knappligar broytingar í vinnutreytunum økja um óvissuna, og tí økist váðin hjá íleggjarunum eisini.</div><div><br></div><div>Virðisbrævamarknaður Føroya hevur kunngjørt greiningina hjá Kolbjørn Giskeødegard á sínari heimasíðu.</div><div><br></div><div><b>Kemur óvart á vinnuna</b></div><div><br></div></div><div>Bakkfrost hevur einki havt at gera við tað, at landsstýrið nú skjýtur upp at avmarka útlendskan eigaraskap í føroysku alivinnuni.</div><div><br></div><div>Tað staðfestir stjórin á Bakkafrost, Regin Jacobsen, í blaðnum Finansavisen. Sambært Regini Jacobsen er uppskotið komið púra óvart á laksavinnuna.</div><div><br></div><div>- Vinnan hevur ikki verið við í hesi tilgongdini, og fær nústani møguleika at gera viðmerkingar til uppskotið, sigur stjórin á Bakkafrost.</div><div><br></div>
