Hávur beit aftur í dysti tvey

Hávur hevði knívin á barkanum í dysti tvey ímóti Hamar í finalurøðini um føroyameistaraheitið í kurvabólti við monnum.

Tað var eyðsæð, at klaksvíkingarnir ikki ætlaðu sær at geva skarvin yvir, og væl stuðlaðir av harðmæltu viðhaldsfólkunum, gjørdu teir alt fyri at vinna á Argjahamri.

Tað var kortini Hamar, sum byrjaði best á var frammanfyri leingi. So líðandi minkaði munurin kortini, og í síðsta fjórðingi yvirhálaðu væl skjótandi hávarnir.

Hávur vann til endans 71-62, og tí skal FM-kappingin avgerast í dysti trý næsta leygardag.