Uppskot um limaskap í oktober

Ætlanin er at hava ítøkilig uppskot um, hvussu Føroyar, Grønland og Áland kunnu gerast sjálvstøðugir limir í Norðurlandaráðnum á ársfundinum hjá Norðurlandaráðnum í oktober í ár.

Tað fingu umboðini hjá løgtinginum, Johan Dahl og Høgni Hoydal, at vita á fundi hjá Norðurlandaráðnum í Oslo í síðstu viku.

Talan var um evnisfund, um Norðurlond eru fyrireikað til kreppur.

Orðaskiftið um helsingforsavtaluna, norðurlendsku grundlógina, fylti nógv á fundinum. 

Samt Norðurlandaráð avgjørdi í 2024, at helsingforsavtalan skal dagførast á nógvum økjum.

Fyri góðum mánaði síðani bleiv avgjørt at seta nevnd at gera uppskot um ítøkiligar broytingar.

Arbeiðssetningurin hjá nevndini er í fyrstu syftu at kanna spurningin um fullgildan limaskap hjá Føroyum, Grønlandi og Álandi í Norðurlandaráðnum.

Nevndin er farin til verka. 

Ætlanin er at hava ítøkilig uppskot um, hvussu Føroyar, Grønland og Áland verða javnsett við hini londini í Norðurlandaráðnum, á ársfundinum í oktober.