Saman kunnu vit spara

- Eg havi ofta kvittanir liggjandi á borðinum um kvøldið, og so havi eg hugsað: Ókey, nú havi eg verið í einum handli og keypt í dag, men hvat hevði eg kunnað spart, um eg var í fleiri handlum og keypti har vørurnar eru bíligast?, sigur Kristian Eli Zachariasen, sum síðan setti seg at menna eina skipan, sum kann júst hetta.

Úrslitið gjørdist Prísvøka, har kvittanir vera skannaðar inn á eina heimasíðu, sum síðan lesur tær inn og goymir vørur og kostnaðir. Hesi vera síðan samanborin, tá brúkarar biðja um tað.

Handlarnir í Føroyum eru nógvir, og vørurnar enn fleiri, so fyri at fáa so neyvt og dagført tilfar sum gjørligt, er brúk fyri, at tey, sum brúka skipanina, eisini skanna sínar kvittanir inn.

Prísvøka er at finna her