Tignarberi skal bera heiðurstekinið

Føroyska heiðurstekinið skal eita tignarmerki Føroya. 

Tann, sum fær tignarmerkið, fær heitið tignarberi.

Tað sigur nevndin, sum hevur gjørt álit um føroyskt heiðurstekin.

Nevndin handaði løgmanni álit flaggdagin.

Í 2022 heitti løgtingið á landsstýrið at fyrireika lógargrundarlag um føroyskt heiðurstekin. 

Í november 2023 setti løgmaður nevnd at gera uppskot um skipan, sum kann heiðra fólk fyri serlig avrik, til gagns fyri land og fólk.

Í nevndini eru Sólja í Ólavsstovu, sum er forkvinna, Jóan Pauli Joensen, Dan M. Knudsen og Urd Johannesen.

Durita Lamhauge Jóansdóttir er skrivari.

Nú verður politiska viðgerðin.

Les álitið her.