- Tíðindi, mentan og ítróttur
Einki móttøkuskip kemur í summar
<div>Einki útlendskt móttøkuskip kemur til Føroya at taka ímóti makreli í summar. </div><div><br></div><div>Lafayette, sum Fjord Fishing and Finance Company hevur leigað aftur í ár, hevur gjørt avtalu við grønlendskt felag, og kemur tí ikki til Føroya at taka ímóti makreli. </div><div><br></div><div>Tað váttar Ludvík við Stein, umboðsmaður hjá Lafayette. Hann vil tó ikki upplýsa, hvat grønlendskt felag talan er um. Tað hevur ikki eydnast at fáa avtalu við føroysku skipini, ið fiska makrel, sigur Ludvík við Stein.</div><div><br></div><div>Orsøkin er avreiðingargjaldið á tvær krónur fyri hvørt kilo, ið løgtingið hevur samtykt. Fjord Fishing and Finance Company hevur verið í sambandi við stóran part av føroyska flotanum, men allastaðni er svarið tað sama, sigur Ludvík við Stein. </div><div><br></div><div>Lafayette kemur á Runavík hósdagin, men fer higani beina kós til Grønlands, har skipið skal taka ímóti makreli.</div><div><br></div><div><b>Kunnu eisini fiska makrel</b></div><div><br></div><div>Felagið hevur eisini fingið loyvi at fiska makrel í Grønlandi. Ludvík við Stein vil tó ikki upplýsa, hvussu stór kvotan er. Men avtala er gjørd við skip um at fiska kvotuna.</div><div><br></div><div>Fiskimálaráðið fekk annars nógvar umsóknir um loyvi til útlendsk móttøkuskip í ár. Thor í Hósvík hevði søkt um loyvi til tveir stórar kinesiskar trolarar, Kai Yu og Kai Li. </div><div><br></div><div>Ætlanin var, at teir skuldu koma til Føroya, men teir eru farnir til Grønlands. Og nú fer Lafayette sama veg. </div><div><br></div><div>Landsstýrið hevur ætlað at fáa 78 milliónir krónur frá skipum, sum selja útlendskum móttøkuskipum makrel í ár. </div><div><br></div>
