Kvinnuhúsið fingið leiðara

Kvinnuhúsið hevur fingið leiðara.

Hon eitur Asløg Schytter Andersen.

Hon tekur við starvinum 1. juni.

Asløg Schytter Andersen er 38 ár, hon er donsk, men hon hevur búð í Føroyum síðani 2022.

Nú býr hon í Skopun.

Asløg Schytter Andersen kemur úr starvi hjá Landsverki, har hon hevur arbeitt við samskifti, leiðsluráðgeving og skipanarmenning. 

Nógvar royndir

Asløg Schytter Andersen er cand.mag. í antropologi, mannfrøði, við sergrein í javnstøðuspurningum og empowermentháttum. 

Empowerment er at menna egnan mátt ella egna kraft og geva myndugleika ella vald.

Hon hevur drúgvar royndir við strategiskari menning, verkætlanarleiðslu og samskifti, og hevur verið fasilitatorur og undirvísari í ymiskum høpum, sigur nevndin í Kvinnuhúsinum í tíðindaskrivi.

Ein fasilitatorur skapar ella skipar umstøðurnar hjá einumhvørjum.

11 umsóknir vóru til leiðarastarvið í Kvinnuhúsinum.