Víkingaskipið skal nú smíðast á Drelnesi

Víkingaskipið, sum skuldi smíðast í Hovi, verður í staðin smíðað á Drelnesi, skamt frá mentanarhúsinum Salti.

Tað sigur Annika Hvanngarð, nevndarlimur í felagnum Víkingaskip.

Ætlanin hjá felagnum Víkingaskip at smíða víkingaskip hevur nógv ár á baki. Felagið var stovnað fyri meira enn 10 árum síðani, og upprunaætlanin var at smíða víkingaskipið í Hovi, men tað læt seg ikki gera, og nú verður tað Drelnesi.

Ætlanin er at smíða eitt víkingaskip á staðnum við norska Gokstadskipinum sum fyrimynd.

Gokstadskipið var funnið í Noregi í 1880, og er 23,8 metrar til longdar. Eisini fara neyst og skáli at verða bygd, eins og ein smiðja má útvegast.

Hetta skal byggjast nærindis Krambatanga, har Smyril leggur at.

Annika Hvanngarð var gestur í Radio Salt í gjárkvøldið.

Hoyr innslag í útvarpstíðindunum: