Fer at royna at samstarva við Trump

Fer at royna at samstarva við Trump
Týski kanslarin sigur, at tað kom ikki óvart á, amerikanski forsetin hevur avgjørt at taka hermenn heim úr USA
Viðurskiftini millum týska kanslaran og amerikanska forsetan er kaldlig í løtuni, men Friedrich Merz sigur, at hann fer at royna at samstarva við Donal Trump.
Mynd: Reuters/Ritzau Scanpix  
 
04.05.2026 - 08:02

Týski samveldiskanslarin, Friedrich Merz, sigur, at hann hevur ongar ætlanir um at gevast við transatlantiska samstarvinum, og fer framhaldandi at royna at samstarva við Donald Trump, forseta.

Tvídráttur hevur verið teirra millum seinastu tíðina, eftir at Merz segði, at USA var eyðmýkt í friðarsamráðingunum við Iran. 

Trump svaraði aftur við at skuldseta Merz fyri at vera ein vánaligur kanslari. 

Um vikuskiftið boðaði USA eisini frá, at USA tekur 5.000 hermenn heim úr Týsklandi.

Í samrøðu við kringvarpið ARD í gjár tók Merz broddin av støðuni.

 

Einki nýtt

- Kanska er ov nógv gjørt av, men einki nýtt, segði týski stjórnarleiðarin, sum heldur, at brádliga minkingin hjá USA í hernaðarligu nærveruni hvørki kom óvart á ella kundi metast sum hevndargerð. 

Hann staðfesti eisini, at uppsetingin av langtrøkkandi amerikanskum Tomahawk-rakettum í Týsklandi er fyribils útsett, men tað lýsir hann eisini sum ódramatiskt.

- Amerikanarar sjálvir hava brúk fyri øllum.Tað er næstan eingin møguleiki fyri, at USA letur frá sær hetta slagið av vápnum.

Samstundis vissar Merz ARD um, at hann framhaldandi fer at samstarva við sameinda stórveldið hinumegin Atlantshavið.

- Eg gevist ikki við at arbeiða við transatlantiska sambandinum. Eg gevist heldur ikki við at samstarva við Trump, segði hann.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486