Fær eitt ár aftrat

Fjarskiftiseftirlitið skal sleppa at kortleggja og skanna undirstøðukervið til 31. mai næsta ár.

Sum lógin nú er orðað, er loyvið galdandi til 31. mai í ár.

Lógarbroytingin er í vinnunevndini.

Royndirnar  og  vitanin,  sum eru komnar við kortleggingini og skanningini, hava verið týðandi partur í arbeiðinum at fyrireika lóg um nettrygd, sigur landsstýrið.

Sambært lóginini kann Fjarskiftiseftirlitið krevja allar upplýsingar, sum Fjarskiftiseftirlitið metir hava týdning fyri kortleggingina.

Vinnunevndin kom í 2024 við sólsetursásetingini.

Uppskotið um at leingja ásetingina kom í løgtinginum fyrr í ár, men fall burtur. 

Ætlanin er at koma við lógaruppskoti um nettrygd í næstu tingsetu, sigur Vinnumálaráðið.