Rutte: NATO fer at verja Rumenia

Rutte: NATO fer at verja Rumenia
Ein russisk rakett, sum var ætlað Ukraina, rakti ein íbúðarbygning í einum rumenskum stórbýi, á markinum millum Rumenia og Ukraina
Mark Rutte, NATO-aðalskrivari.
Mynd: Jonathan Ernst/Reuters/Ritzau Scanpix  
 
29.05.2026 - 11:04

NATO er til reiðar at verja hvønn einasta sentimetur av sínum landaøki.

Tað sigur Mark Rutte, NATO-aðalskrivari, eftir at ein russisk drona í nátt rakti ein íbúðarbygning í rumenska stórbýnum Galati undir einum álopi á Ukraina.

- Fyrilitarleysa framferðin hjá Russlandi er ein vandi fyri okkum øll. Teir halda fram at raka sivilfólk og sivila undirstøðukervið í øllum Ukraina. Og náttin í gjár vísti enn einaferð, at avleiðingarnar av teirra ólógliga álopskríggi ikki steðgar við markið, sigur Mark Rutte.

Tað var um eitt tíðina í nátt, at ein drona av slagnum Geran rakti ein íbúðarbygning í havnarbýnum Galati. Eldur kom í, tvey fólk fingu skaða, og 70 fólk vóru flutt úr bygninginum. 

 


Russiska dronan rakti henda íbúðarbygningin í Rumenia. (Mynd: Inquam Photos/Reuters/Ritzau Scanpix)

 

ES økir trýstið á Russland

Ursula von der Leyen, forkvinna í ES-nevndini, sigur, ES at Russlan er farið um enn eitt mark. ES fer at økja trýstið á Russland og styrkja seg í eystara parti av Evropasamveldinum. Samstundis er 21. revsipakkin hjá ES móti Russlandi á veg.

Sambært rumenska verjumálaráðnum var dronam var partur av ógvusligum álopi á Ukraina nærhendis rumenska markinum.

Hóast talan møguliga var um eitt mistak, leggur rumenski forsetin, Nicușor Dan, dent á, at Rumenia ikki góðtekur, at russiska álopskríggið móti Ukraina rakar rumenskar borgarar.

Russiski sendiharrin í Rumenia er boðsent á fund, og tað sama er galdandi fyri russiska sendiharran í Fraklandi.

Russland hevur einki sagt um hendingina enn.
 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470